Monaco cosmetics
Ahabanza  >>  Amakuru yose >> Imikino >> Mu Rwanda >> 

Volleyball:Abakinnyi 14 bagomba guhagararira u Rwanda mu gikombe cy’Afurika

Paul Bitok, umutoza w’ikipe y’igihugu ya Volleyball yamaze guhitamo abakinnyi 14 muri 18 bari mu mwiherero (local) w’ikipe y’igihugu yitegura kwerekeza mu Misiri kwitabira igikombe cy’Afurika.


Abakinnyi 14 bagomba guhagararira u Rwanda mu gikombe cy’Afurika bagizwe na: Mutabazi Bosco, Rwigema Simon, Cyusa Jacob, Mahoro Yvan ,Sibomana Madison Placide, Nshimiyimana Robert, Muvara Ronald, Fred Musoni, Ntagengwa Olivier, Kavalo Patrick, Mutabazi Yves, Mutabazi Fred, Yakan Guma Lawrence na Murangwa Nelson.

Abakinnyi 4 basezerewe mu mwiherero ni: Kanamugire Prince, Barack Rugira, Mukunzi Christophe na Sibomana Jean Paul

Kugeza ubu uwari usanzwe ari kapiteni w’ikipe y’igihugu Mukunzi Christopher we ntari mu bakinnyi umutoza azifashisha mu gikombe cy’Afurika kubera ko yerekeje muri Saudi Arabia aho yamaze kubona ikipe akinira.

Paul Bitok umutoza w’ikipe y’igihugu avuga ko Mukunzi yamaze kubona ikipe akinira ndetse ubu bitamworohera guhita aza gufasha bagenzi be kuko kuva muri iki gihugu atahita yongera kwishyura impapuro z’urugendo (single visa).

Paul Bitok yagize ati “mu mwiherero twari dufite abakinnyi benshi ni nayo mpamvu tutagomba kugira impungenge kuko kapiteni Mukunzi adahari ubu uzayobora bagenzi be mu kibuga ni Ntagengwa Olivier”.

Avuga ko impamvu bagiye mbere ni ukugira ngo nibura bashake imikino ya gishuti mbere aho bazakina n’amakipe yo mu Misiri ndetse n’amakipe y’ibihugu azaba yahageze mbere y’uko irushanwa ritangira.

Biteganyijwe ko irushanwa ry’igikombe cy’Afurika rizatangira tariki ya 20 Ukwakira aho amakipe atatu ya mbere azabasha guhagararira Afurika mu gikombe cy’Isi kizaba umwaka utaha wa 2018.

Ikipe y’igihugu irahaguruka mu Rwanda yerekeza mu Misiri kuri uyu wa gatandatu tariki ya 14 Ukwakira uyu mwaka ku isaha ya saa cyenda z’amanwa.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X