Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Muri Europa League Arsenal yatsinze bigoranye naho Everton ikubitwa inshuro

Umukino wa Arsenal watumye habaho gucisha ijisho mu ikipe ya Arsenal aho yatsinze ikipe yari ihanganye nayo bigoranye ku buryo abafana bari bakomeje kwijujuta bavuga ko bysri kugera mu gice cya kabiri ibitego byarumbutse.

Igitego cyiza cya Olivier Giroud mu minota ya nyuma y’umukino wabahuzaga na Red Star Belgrade cyahesheje ikipe ya Arsenal intsinzi yo hanze mu gihe Everton yatsindiwe mu rugo na Lyon ibitego 2-1 mu mukino w’umunsi wa gatatu w’amatsinda ya Europa League.

Arsenal yaherukaga gutsindwa na Watford muri Premier League yagiye gukina uyu mukino wa Europa League muri Serbia yaratsinze ibiri ibanza, aho kubona intsinzi imbere y’iyi kipe ya FK Crvena Zvezda abenshi bazi nka Red Star Belgrade byari kubafasha kwizera kuzakomeza mu cyindi cyiciro igihe babona ayandi manota atari menshi mu mikino yo kwishyura.

Ikipe y’umutoza Vladan Milojevic yari mu rugo yatangiye neza, ndetse ibona uburyo butandukanye burimo n’umupira wagaruwe n’izamu mu gice cya mbere cy’umukino, ariko Arsenal ya Wenger wari wanakoze impinduka zitandukanye mu bakinnyi yakoresheje igaruka mu gice cya kabiri imeze neza maze abanya-Serbia barangwa n’amakosa menshi bituma Milan Rodic abona umuhondo wa kabiri ku munota wa 80.

Byasabye Arsenal gutegereza umunota wa 85 w’umukino ku gitego Olivier Giroud yatsinze yigaramye maze arenza umupira ku mutwe we, ahesha Arsenal intsinzi, hari ku gukinana neza hagati ya Theo Walcott na Jack Wilshare.

Gutsinda kwa Arsenal bitumye ikomeza kuyobora itsinda H n’amanota 9/9, ikurikiwe na Red Star Belgrade ifite amanota ane, ikayanganya na Bate Bolisov yatsinze FC Cologne 1-0 ndetse kugeza magingo aya ikaba igitegereje inota muri iri tsinda.

Mu itsinda E, Everton yari yakiriye Lyon itsindwa umukino wa kabiri ndetse inanirwa gutsinda bwa mbere, mu mukino wagaragayemo imvururu.

Nabil Fekir yafunguye amazamu ya Everton kuri penaliti maze bisaba ko iyi kipe yishyurirwa na kapiteni wayo Ashley Williams ku munota wa 69 ariko ibi byakurikiwe n’imvururu ku ikosa yakoreye ku munyezamu wa Lyon.

Bertrand Traore wakiniye Chelsea, yaje guhesha Lyon intsinzi ku munota wa 75 w’umukino, Everton itakaza ku bitego 2-1.

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X