Monaco cosmetics
Ahabanza  >>  Amakuru yose >> Iyobokamana >> 

Bishop Rugagi ntazi igihe amasezerano yo kugura indege azasohorera.Gahunda yo kuzazura abapfuye yo arayikomeje

Bishop Rugagi,ni umuhanuzi akaba n’umuyobozi amatorero y’Abacunguwe mu Rwanda.Uyu mukozi w’Imana yagiye atangaza kenshi ko azagura indege uko byagenda kose,gusa ngo ntazi igihe runaka iryo sezerano rizasohorera.


Mu kiganiro yagiranye n’abanyamakuru mu mpera z’icyumweru dusoje,uyu mushumba yavuze ko nk’uko yagiye abyemeza ko azagura indege nta cyahindutse icyako ngo ntazi umunsi n’igihe icyakora cyo ngo n’uko Imana izasohoza ibyo yavuze.

yagize ati""Indege ni byo nzayigura, niba nzayigura abantu bose barakize simbizi, niba nzayigura hakiriho abakene simbizi, gusa icyo nzi ni uko tuzarinda tuva mu isi abarira barira, abaseka baseka."

Abajijwe impamvu agira inzozi zo kugura indege mu gihe hari abakene benshi mu itorero rye no mu gihugu muri rusange, yavuze ko abakene bazahoraho ndetse ngo niyo yagurisha ibyo atunze byose akabiha abakene,ngo ntabwo yahaza ukwifuza kw’abakene bose bariho.

Ku bijyanye no kuba yaba atangaza ibyo mu rwego rwo kwiyamamaza no kwimenyekanisha, yavuze ko atariko biri ahubwo ko mu buzima busanzwe, umuntu yiha icyerekezo kandi ko kugira icyerekezo atari icyaha.

Rugagi kandi yagarutse ku bivugwa ko yaba akoresha izindi mbaraga bivugwa ko azikomora muri Nigeria, Uganda n’ahandi, aha yabihakanye anavuga ko ataranakandagira muri icyo gihugu.

Ati "Pasiporo yanjye ntirajyamo viza ya Nigeria n’umunsi n’umwe. Hari n’abavuga ko imbaraga nazikuye muri Uganda; ibyo na byo sibyo kuko Uganda uretse kuba mfiteyo inshuti tuvugana ku mbuga nkoranyambaga nta bindi."

Naho ku ruhande rwo kuzajya ajya mu buruhukiro kuzura abapfuye, uyu mushumba yatangaje ko nta cyahindutse azabikora ariko ngo hari igihe Imana yabikora cyangwa ntibikore,gusa ngo hari abarwayi n’ubundi bajya bamuzanira bameze nk’abapfuye maze akabasengera bakaba bazima.

Icyakora ngo nta murambo kugeza ubu baramuzanira ngo awusengere.

Uretse ibi bivugwa,Rugagi ari mu myiteguro yo kumurika ku mugaragaro Televiziyo ye ( Tv7) mu giterane giteganyijwe muri uku kwezi.Icyo gitaramo kikazagaragaramo abahanzi batandukanye barimo Tonzi na Aline Gahongayire.

Kanda hano udukurikire kuri Facebook na Twitter

Ibitekerezo

Bahati-joseph-DEPARI - 20/11/2017 saa 14:35

none se izombaraga zokuzura abapfuye kuki iyo mana ye itazimuha murikigihe,!ese nuko nta ma miliyoni yabantu arigupha burimunsi? abantu nkabo muje mubatera umugongo kuko namandi.
Kanda hano umusubize

Luc - 16/11/2017 saa 16:14

Birashoboka kuyigura, nabonye harumukanishi nabonye arikuyicura muri Kenya, yashiragamo moteur ya Moto.
Kanda hano umusubize

peter H - 14/11/2017 saa 13:10

Monde ya Beton. Arishakira indege nyine
Kanda hano umusubize

EDDY - 14/11/2017 saa 06:26

KOKO IMANA IGIYE GUTANGA INDEGE YADUFASHIJE TUKAVANA MAYIBOBO ZUZUYE IMIHANDA YOSE MU GIHUGU.CYAKORA WENDA NIYO MISSION IZAHA RUGAGI AKABA ARIWE UBIKORA.ESE NI INDEGE ITWARA IMIZIGO NIYO KWIGENDERAMO MUGIHE HARI N'IBIHUGU ABAPEREZIDA BAKODESHA IZO BAGENDAMO BAGIYE MU MANAMA ?AHAAA
Kanda hano umusubize

patrick - 13/11/2017 saa 14:41

HHAHAHA Ababajwe nokugura indege nkaho yagasengeye kujya mwijuru imana itabare isi kuko irashaje musome matayo 23
Kanda hano umusubize

Kiniga - 13/11/2017 saa 10:19

Koko abeskro nkaba bazabafata ryari ngo babafunge?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X