Monaco cosmetics
Ahabanza  >>  Amakuru yose >> Iyobokamana >> 

Ese ni gute wahamya ubutware bwa Kristo yesu ushikamye

Yesu uvugwa muri iyi nyandiko ni na we uvugwa mu ijambo ry’Imana, wavutse kuri Mariya wari warasabwe na Yosefu mwene Yakobo, akavuka hatabayeho guhura kw’umugabo n’umugore nkuko tubimenyereye, ahubwo yavutse ku nda nyina Mariya yasamye ku bw’imbaraga z’Umwuka Wera, ni na we kandi marayika yahamirije Yosefu ko ari we uzakiza abantu ibyaha byabo nk’uko tubisanga mu butumwa bwiza bwanditswe na Matayo 1: 18-23.

Uyu Yesu kandi, Imana ubwayo yamuhamirije imbere y’imbaga y’abantu bari baje kubatizwa na Yohana, maze avuye mu mazi abona ijuru ritandukanye, Umwuka aramanuka mu ishusho y’inuma imujyaho ijwi rivugira mu ijuru, riti « Ni wowe mwana wanjye nkunda nkakwishimira » Mariko 1 :11.

Yongera kandi guhamywa n’Imana ubwayo ko ari umwana wayo muri Luka 9 :35 ubwo yarabagiranaga ari kumwe n’abigishwa be, bakamubona ahagararanye na na Mose na Eliya maze ijwi rikavugira mu gicu riti : « Nguyu umwana wanjye natoranyije mumwumvire.»

Nyuma yo gusobanukirwa ko Yesu ari umwana w’Imana, kandi akaba yaraje mu isi afite ubushobozi bwo gukiza umuntu ibyaha, biba bimwe mu bitanga ubushobozi bwo guhamya ibyo cyane ushize amanga, dore ko ari n’inkuru nziza umuntu atakumva ngo ayihererane.

Uretse ibi kandi, mu byanditswe byera berekana bumwe mu bubasha budasanzwe yagiye agaragaza akiri hano ku isi, muri bwo twavuga ;

● Guhaza abantu ibihumbi bitanu ahereye ku mitsima itanu n’ifi ebyiri gusa ( Luka 9 :10-17)
● Yirukanye abadayimoni benshi mu bantu (Matayo 8 :28 )
● Yakijije ababembe, akiza n’abari bamugaye (Luka 5)
● Yahumuye impumyi rubanda bose bareba (Mariko 8 : 22)
● Yarapfuye arazuka ( Luka 23,24) n’ibindi.

Imirimo ya Yesu n’aho waceceka ntumuvuge, yo ubwayo yakwivugira, ariko ni ngombwa cyane ko abantu bamumenye, bogeza iyo nkuru nziza kugira ngo n’abataramumenya bamumenye, cyane ko biri no mu byo yasize abwiye abigishwa be ati « Nuko mugende muhindure abantu bo mu mahanga yose abigishwa, mubabatiza mu izina rya Data wa twese, umwana n’Umwuka Wera,mubigisha kwitondera ibyo nababwiye byose. » ( Matayo 28 : 19)

Ibi rero bisaba imbaraga z’Umwuka wera ari na zo zashoboje Petero guhamya Yesu imbere y’ab’i Yudaya n’abatuye i Yelusalemu, akabahamiriza ko Yesu yapfuye akazuka kandi ko ari Umwami, maze abantu benshi bumvise ibyo ngo bibacumita mu mitima, maze bumvira inama za Petero, abagera ku bihumbi bitatu barihana. (ibyak 2 :14-47).

Nyamara Petero n’ubwo yari yarabanye na Yesu cyane, ntibyari byamubujije kwihakana Yesu atarahabwa imbaraga z’Umwuka (Matayo 26:69), ariko ku bw’imbaraga z’Umwuka ari na we mufasha Yesu yari yarasezeranije abigishwa be yatumye bahamya Yesu mu byoroshye no mu bikomeye, ndetse ntibatinya no gupfa (Ibyakozwe n’imtumwa 14,19 ;23 :12..), kugera ubwo guhamya kwabo byavuyemo icyambu gituma natwe tumenya Imana,.

Bityo natwe ntidukwiye guceceka iyo nkuru nziza, ahari byazaviramo benshi bazaza nyuma yacu guhirwa nk’uko natwe twahiriwe. Imana ishimwe

Kanda hano udukurikire kuri Facebook na Twitter

Ibitekerezo

- 27/11/2017 saa 18:54

mwizina rya yesu turabashimiye kubwibisobanuro bya yesu muduhaye uwuteka abarinde
Kanda hano umusubize

Jimmy - 27/11/2017 saa 18:07

THX muvanda nukur christ akongerre rwose. wonger ukure aho wari wakuye ibyiza nkibyo.
Kanda hano umusubize

- 26/11/2017 saa 02:24

urakoze cyane ku bwiyo nkurunziza ya kristo
Kanda hano umusubize

ayiwe - 25/11/2017 saa 14:03

Imana ibahe umugisha Ariko nimuvuga christo ntimukazanemo aya mafoto y abanyamerica. Merci
Kanda hano umusubize

sibomana evariste - 25/11/2017 saa 05:37

Murakoze cyane kutugezaho imibereho ya YESU n'ibyo yakoze ari hano ku isi.Nagirango mbunganire nanjye nkoresheje imirongo ya Bible.Twebwe abakristu,birababaje cyane kubona tudafata Yesu kimwe.Urugero,aba Brahnam bafata Yesu,ko ariwe mana wenyine.Ntabwo bemera UBUTATU.Abandi benshi cyane,bakavuga ko Yesu ari imana y'indi mu Butatu.Naho abahamya ba Yehova,bakigisha ko Yesu atari imana ishobora byose.Bagatanga ingero nyinshi zishingiye kuli Bible.Yesu yarapfuye kandi imana ntishobora gupfa.Yesu yasengaga SE,arira kandi amwinginga (Abaheburayo 5:7).Yesu ubwe,yigishaga ko imana ishobora byose ari SE wenyine (Yohana 17:3),akigisha ko ntawundi tugomba GUSENGA,uretse SE wenyine (Matayo 4:10),akigisha ko imana ye ari nayo mana yacu (Yohana 20:17).Ntabwo Intumwa ze zigishaga ko YESU ari imana ishobora byose.Ahubwo zigishaga ko YESU ari UMUGARAGU w'imana (Ibyakozwe 3:13).PAWULO yigishaga ko YESU ari "ikiremwa cya mbere cy'imana",the first born of all creations nkuko tubisoma muli Abakolosayi 1:15.Imana imaze kurema Yesu,yamuremesheje ibindi bintu byose nkuko dusoma muli Abaheburayo 1:1,2. Mu magambo make,imirongo myinshi ya Bible yerekana ko YESU atari we Mana ishobora byose.YESU yatubujije kumusenga.Intumwe ze n'abahanuzi bose,ntabwo basengaga Yesu,ahubwo basengaga SE wa Yesu wenyine.YESU yigishaga ko SE amuruta (Yohana 14:28).Iyo usenga mu buryo budahuye na Bible,ntabwo imana ikumva.Bisome muli Matayo 15:9.
Kanda hano umusubize

UMWIGISHWA WA YESU KRISTO - 26/11/2017 saa 06:32

Muvandimwe Sibomana, Nshimishwa cyane n'umuntu UKORESHA IBYANDITSWE BYERA, ukabona ari byo ashishikariye rwose gushingiraho ukwizera kwe. Kuko abenshi bizera ibyo batazi aho byavuye, kuko byahimbywe n'abantu mu manama yabaye cyera yitwa INAMA ZA KILIZIYA ( Conciles de l'église , Councils of the Church). Nyamara gusobanukirwa Yesu UWO ARI WE BY'UKURI, birenze kure KUGEREKERANYA imirongo y'ibyanditswe byera. UMWIRONDORO NYAKURI WA YESU URAHISHWE. ( Ni byo Yesu avuga muri Luka.10:21-22) Nubwo Abahamya MUTABYEMERA KANDI BYANDITSE mu ijambo ry'Imana !! Kugirango UMENYE NEZA KO UTAZI UMWIRONDORO WA YESU, dore UMUGABO W'IICYENDA ugushyira hanze: Soma Itang.18 cyose, ukomeze 19:1-2 AHA HAVUGA UKUNTU YEHOVA YABONEKEYE ABURAHAMU. NUMARA KUHASOMA, Nteze amatwi usobanure IBYO UMAZE GUSOMA BYONYINE. Ntujye gusobanura ibindi, kuko wanabisobanuye bihagije, Hejuru, n'imirongo myinshi kandi yumvikana rwose. NGAHO SOBANURA Itang.18:1- 33 kugeza 19:1-2 ( Kandi UDAKWEPYE IKIBAZO nk'abanyapolitiki) Imana Data iguhe umugisha, mu izina ry'Umwami Yesu Kristo..
Kanda hano umusubize

- 25/11/2017 saa 00:58

MURAKOZE KUVUG,IVYA YESU MWAHORA MWANDIKA VYINSHI ARIKO MUVUBINEZERA.ES,ICOMPA BENSHI BAKABISOMA KANDI BIKABINJIRAMWO NEZA.YES,ABAHEZAGIRE.
Kanda hano umusubize

Ndacyayisenga Prudence - 25/11/2017 saa 00:51

Murakoze cyane, naho wakwijijisha,Yesu ni Umwana w'Imana kandi ushoboye. imbaraga z'umwuka nizo zidushobkza guhamya ibye cyane iyo twongeyeho kumwizera
Kanda hano umusubize

Hamida - 3/12/2017 saa 08:01

Hahirwa Uwizerumwamiyesukukozagororerwa
Kanda hano umusubize

didi - 11/12/2017 saa 16:35

Yesu ni Imana nyamana akaba yarabaye ni umuntu buntu byose byakozwe muri ubu buryo kuko Imana yashatse kwigaragariza abantu yambara umubiri yicisha bugufi iza kubana natwe so tumwubahe ni IMANA yigize kugira ngo iducungure.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X