Monaco cosmetics
Ahabanza  >>  Amakuru yose >> Iyobokamana >> 

Hongeye kuvugwa imikorere idahwitse mu itorero rya ADEPR!Uburiganya niyo ntandaro

Nyuma y’uko abari abayobozi bakuru b’itorero ADEPR bakurikiranyweho kunyereza umutungo w’iri torero, ndetse bakaza gusimbuzwa abandi bashya, kuri ubu biravugwa ko n’Ubuyobozi bushya bukomeje kugaragaramo uburiganya, ndetse bamwe mu bari abakozi ba Dove Hotel bakaba barasezerewe kuko bashatse kurwanya ubwo buriganya.

Hashize iminsi mu itorero ADEPR hagaragaramo ibibazo birimo kuba abari Abayobozi baryo bakuru baratawe muri yombi ndetse bashyikirizwa ubutabera bakurikiranyweho kunyeraza umutungo w’iri torero.

Ibi byaje gukurikirwa no kubasimbuza abandi byashya. Gusa igikomeje gutera urujijo, ni uko bikomeje kuvugwa ko abayobozi bashya bakomeje kugaragarwaho n’imyitwarire irimo amakosa, nko mu micungire y’imitungo y’iri torero.

Aha kimwe mu bikomeje kugarukwaho ni Dove Hotel, umwe mu mitungo ikomeye ya ADEPR, ari nayo yabaye imbarutso y’ifungwa ry’abari abayobozi, aho bigaragara ko hari ibitagenda neza mu micungire yayo.

Nk’uko umwe mu bahoze ari abakozi ba Dove Hotel abitangaza ndetse n’uko bigaragara ku mpapuro z’inyamezabwishyu dufitiye kopi, hari ibikoresho Dove Hotel yakiriye ibigurishijwe n’ikigo cy’ubucuruzi cyitwa New MONACO ELECTRONICS LTD, ibyo bikoresho bikaba byari Televiziyo zo mu bwoko bwa KONKA. Haje kwishyurwa iki kigo nk’uko bigaragara kuri sheke yatanzwe na Dove Hotel, gusa igitangaje ni ikigo cyatanze inyemezabwishyu ya IBM gitandukanye n’ikishyuwe, kuko ari HOPE ELECTRONICS LTD yatanze iyo nyemeza bwishyu.

Byongeye kandi nk’uko bisanzwe iyo ikigo cy’ubucuruzi cyangwa umucuruzi aguze ibikoresho ku nyemezabuguzi haba hariho TIN number (inomero y’ubucuruzi) ye ndetse n’iy’uwamugurishije, ariko aha biratandukanye kuko nta TIN number ya Dove Hotel igaragaraho. Bivuze ko mu mafaranga iyi hotel igomba gutanga y’umusoro ku nyungu izayasora itabanje gukuramo amafaranga asaga miliyoni icumi yaguze televiziyo 40.

Nk’uko uwahoze ari Umuyobozi (Manager) wa Dove Hotel yabidutangarije, ngo MONACO ELECTRONICS LTD yumvikanye na Dove Hotel kuyigurisha Televiziyo 40 zo mu bwoko bwa KONKA zari zifite agaciro ka 10800000frw, ariko nyuma nyir’iyi MONACO ELECTRONICS LTD yaje kwishyurwa icyakabiri cy’aya mafaranga, ariko ntiyatanga inyemezabwishyu.

Nyuma ngo yaje kwishyuza amafaranga yasigaye Manager asabye inyemeza bwishyu ntiyayihabwa, ariko Umunyabanga Mukuru (Secreteur General) wa ADEPR ari we Rev Ruzibiza Viateur afatanije Umuyobozi Ushinzwe Imari n’Ubukungu (DAF) ari we Umuhoza Aulerie bategeka ko bagomba kwishyura ngo kuko Manager wa Hotel atari we usinyira ayo mafaranga, ikigeretse kuri ibyo ngo ibizakurikira bazabyirengera.

Aha ibyaje gukurikira ni uko inyemezabwishyu Dove yahawe igaragaza ko atari iya MONACO ELECTRONICS LTD, ahubwo ari iya HOPE ELECTRONICS LTD, kandi bisa naho itahawe Dove Hotel.

Ikindi gikomeje kuvugwa ni uko ubuyobozi buriho bwaba bwarahimbye impapuro zikaza kunyuzwa muri kimwe mu binyamakuru bya hano mu Rwanda, izo mpapuro zikaba byaravugwaga ko ari izavuye muri BRD, zigaragaza umwenda Dove Hotel y’iri torero ibereyemo BRD.

Nyuma ngo BRD imaze kubona izi mpapuro mu bitangazamakuru yafashe umwanzuro wo kwandikira ubuyobozi buriho ibumenyesha ko ibyakozwe ari ibihimbano ndetse binyuranije n’amategeko agenga iyi Banki. Nk’uko amakuru ari kuri kopi z’impapuro dufite twakuye ahantu hizewe habigaragaza.

Kuri ubu hakomeje kwibazwa niba Ubuyobozi buriho ubu nabwo bwaba ari imiseke igoroye cyangwa se nabwo bukemangwa dore ko n’Abayobozi basezerewe n’abariho babashinja kutaba inyangamugayo, nyamara ubutabera bukaba butarabahamya ibyaha bakurikiranyweho, ibintu bisa n’aho ibikomeje kuba muri iri torero ari amatiku no kugambanirana.

Ubwo twandikaga iyi nkuru umunyamakuru wacu yagerageje kuvugisha uruhande rw’Ubuyobozi buriho muri ADEPR, ntibagira icyo badutangariza.

JPEG - 59.2 kb
Inyandiko yanyujijwe mu bitangazamaku igaragaza ideni Dove Hotel ifitiye BRD
JPEG - 42.7 kb
Urwandiko BRD yandikiye ivuga ko urwandiko rwagaragajwe ari ibihimbano
JPEG - 130.4 kb
Nk’uko bigaragara MONACO Electronics ni yo yazanye ama TV kuri Dove Hotel
JPEG - 121.5 kb
Sheke y’amafaranga yishyuwe yahawe MONACO Electronics Ltd
JPEG - 103.7 kb
Inyemezabuguzi nubwo itagaragara neza yo yatanzwe na Hope Elrctronics Ltd
Kanda hano udukurikire kuri Facebook na Twitter

Ibitekerezo

J p - 13/12/2017 saa 06:31

Adepel paruwase ya save umudugudu wa kinteko hobarakishyuza amafaranga ya gisozi nakumiro.
Kanda hano umusubize

tujye mururembo rw’Ijuru - 12/12/2017 saa 04:16

Bene data , abagerageza kuvuga kuri izi nkuru zirimo gutangazwa nizo kwitondera no kugenzuranwa ubushishozi buhagije . abantu bakwiye kuva mumaranga mutima no kwishakira indamu , bakagambirira kwishakira imirimo izabaherekeza mugihe cy'amaherezo y'ubuzima . Twirinde gufata Idini cyangwa Itorero ADEPR nk' umwanya wo gushakamo umutungo , tugambirire gukora cyane no kwigira ubundi duhurire mu nsengero dufite umugambi wo gushaka ubucuti na Yesu Kristo . Twakwibaza izi biracitse zose , abazitega amatwi bo nta nyungu bazikuramo ? ese abazirema bo nta nyungu bazikuramo ? ese abaca Imanza ko Itorero ADEPR ryapfuye bagendera kukihe gipimo ? ADEPR ntabwo ari umuyobozi runaka n'amarangamutima ye ijyanye n'amakosa yamubonekaho ? ADEPR si abaiyita ko bavuze amagambo menshi rimwe na rimwe arimo no gukabya . ADEPR ntabwo ari amaturo barwanira cyangwa imyanya . Twibuke ko Itorero rya Kristo ryubatse kurutare , kandi ntabwo ari idini runaka , umuntu wese ukora ibyaha , ntiyaba inshuti Y'Imana ni idini ryose yaba arimo . Itorero rya Kristo ni intare iri mu ibanga kandi ifuhira ibizira byose bikorerwa mumurimo w'Imana !
Kanda hano umusubize

- 6/12/2017 saa 12:47

musenge mwisisiwa cu murapfubusaa
Kanda hano umusubize

sibomana 0788889679 - 5/12/2017 saa 16:38

yemwe ahatari Umwukawera ibyaha biragwira murusheho gusenga Imana idasobanya nukuri izabyikemurira
Kanda hano umusubize

sibomana 0788889679 - 5/12/2017 saa 16:33

mubyukuri ntekerezako ADEPER atariryo dini ryonyine rigiribibazo muzakurikirane muzambwire gusa igiti gifitimbuto nicyo giterwa imijugujugu nonese mwibagiwe urwanyitorero.? satani ntahoyagiye kandi abamukorera bakoraningufu gusa uwiteka azabe kandi abamukorera byukuri bazabigororerwa .gusa ntitwirengagize inyigisho zibinyoma zirirwa zikangurirabantu ibyubutunzi bwiyisi kurusha gushakubutunzi bwijuru ingaruka zabyo nizi turimo. muzansubize abatunzebose suko bakijijwe. mpamyako uwanditse ibibyose atabibwirijwe numwuka wi Imana. narangiza mbibutsako iyinzira twahisemo ntago arigihogere irafunganye murusheho gusenga cyane mutagwa mumoshya
Kanda hano umusubize

KIKI - 8/12/2017 saa 10:14

URUBUTO RUHIYE RUHEMBWA KURIBWA KDI EREGA NTABWO TWESE TWAYOBORA IKINTU KIMWE MGO BIKUNDE ABANTU NIBAGE BAREBA IBIBAREBA UMUNTU AKKORERE IMANA CG UWAMUHAYE AKAZI IBINDI N'AMAGAMBO NAWE UWAGUSHYIRA YO UWAGUSHUNGURA NTIYA KUBURAMO INKUMBI IKIZA NUKUMENYA KO DUKENEYE ITERAMBERE ARIKO KDI ITERAMBERE RY'UKURI RIRI IWACU MUNGO IBINDI N'IMANA IBITANGA
Kanda hano umusubize

john - 4/12/2017 saa 17:08

uwanditse iyi nkuru ntabwo asobanukiwe na gato itandukaniro riri hagati ya facture proforma na facture De vente ,abaze abize ubucuruzi bamusobanurire.
Kanda hano umusubize

samuel - 4/12/2017 saa 02:28

Igisambo Thomas ,cyariye za miliyari kibye itorero ntawagihejeje muburoko ,abo bajura bahaye amahoro itorero bakareka kwishanisha n'abayobozi bacu bazima Imana yaduhaye ntabwo nk'abachristo tuzatuza tutaraboba za miliyari mwibye zigarujwe mufite imitungo izagurishwe tubone ibyacu, ikigega sicco ayo mwibye wowe Rwagasana nabo mwafatanije agomba kugaruzwa Eric umuririmbyi w'ikinyinya wagize agakingirizo azabisobanura mureke kuvuza iyabahanda murimo Muratujijisha.Ababajwe n'akazu ke basenye we na Christine ntabwo twe abachristo tuzahwema ibyacu bitagarujwe,tuzasenga twiyirize ubusa ,ababishinzwe munzego zitandukanye bazakorwa kumaso ibyacu bigaruzwe .Naho ibyo murimo mwayobya abatazagerayo byukuri,ndavuga mu ijuru.Nimuhe amahoro itorero kdi niba mushaka gukorwa n'isoni kw'inkozi zikibi muraje mubibone.
Kanda hano umusubize

uwqyo - 3/12/2017 saa 15:32

ahubwo nibaza ukuntu abantu bashyizweho n'abibye itorero bakiri mu kazi muri Dove Hotel kandi nabo baragiyemo ku kimenyane ahubwo uwo manager akwiriye gukorerwa audit naho ibindi ni amatiku ese yatubwira icyo yakoze abona miliyari eshatu zinyerezwa none arimo avuga aya Ndongo yiregura
Kanda hano umusubize

- 3/12/2017 saa 14:34

Umva nukuri ngewe iyi nkuru irimo amaranga mutima menshi nuwa yanditse muba mushaka guharabikana gusa niba warirukanwe watuje ,ubwo koko urashaka guteza abantu urubwa gusa!!!!!!
Kanda hano umusubize

- 3/12/2017 saa 14:34

Umva nukuri ngewe iyi nkuru irimo amaranga mutima menshi nuwa yanditse muba mushaka guharabikana gusa niba warirukanwe watuje ,ubwo koko urashaka guteza abantu urubwa gusa!!!!!!
Kanda hano umusubize

mazina - 3/12/2017 saa 13:39

Nabaye umuyoboke wa ADEPR,ndayizi neza.Nta na rimwe ADEPR yigeze iba nzima.Buri gihe yaranzwe n'amatiku,irondabwoko no kunyereza amafaranga y'itorero.Kandi aya manyanga aba muli ADEPR hose mu gihugu.Ikibabaje nuko ariyo dini ya mbere mu Rwanda ivuga ko yuzuye umwuka wera.Yesu akiri ku isi,yavuze ko abakristu nyakuri uzababwirwa nuko bakundana nkuko tubisoma Yohana 13:35,kandi ukababwirwa nuko badakunda ibyisi,cyane cyane amafaranga.Iyo umuntu ashatse kuba pastor wabo,agomba gutanga amafaranga.Iyo amaze kuba pastor,abwira abayoboke be ko ari imana yamusize amavuta!! This is hypocrisy.Iyo duhitamo idini,tujye dushishoza.Bible ivuga ko abantu bose basengera mu madini y'ikinyoma imana izabarimburana nayo ku munsi w'imperuka. Muli Ibyahishuwe 18:4,hadusaba kuyasohokamo hakiri kare.
Kanda hano umusubize

uwayo - 4/12/2017 saa 14:59

ibyo wanditse wowe wiyita ko wabaye muri adepr ngo nyuma ukavamo kuko wabonyemo ibibazo kandi ngo ni mubgihugu hose nonese wowe wari ushinzwe iki kuburyo umenya ibibera mu gihugu hose ikindi uravuga ko itorero RYA Kristo ritabamo igisa n'urwango cg amatiku reka nkubaze uba mu rihe torero wowe ritabamo utubazo?ese wambwira uwagambaniye Yesu yari mu itorero rya nde?ese iryawe riruta iryo Yesu yari yarashyizeho cg iryo torero ryawe riruta ijuru ko no mu ijuru Satani yigometse njye hari abantu nyoberwa iyo baba niba badasoma amateka mbere yo kuvuga
Kanda hano umusubize

sangwa - 5/12/2017 saa 03:58

Uko ni ukuri kuko bayihimbarisha iminwa naho imitima yabo ikayijya kure.Aha rero igihe ni iki cyo kuyisohokamo kuko bakujyana muri gehenomu. Njye ubu ndatuje kuko maze igihe nyisohotsemo ariko ibyayo ni agahomamunwa pe.
Kanda hano umusubize

john - 12/12/2017 saa 16:56

unteye agahinda wowe rwose ngo wabayemo uvamo kubera amanyanga abamo, ngo aba pasteurs bajyamo batanze ruswa iyo uvuze aba pastor ubwo ushatse kuvugako guhabwa inshingano umuntu wese abanza gutanga ruswa, ubuse tugushime ko wari urimo wabona hajemo ibibazo ukigendera. ubu nushaka umugore ukabyara abana bakagutesha imutwe uzasiga umuryango wigendere, ninde wakubwiyeko idini yawe ariyo yukuri koko , untera agahiiiiiiinda iyo mbonye ibintu uvuga kuko nibwo bwa mbere nanditse hano mbitewe nibintu uvuze, ubu koko usoma bibiliya ?!?!
Kanda hano umusubize

emile - 3/12/2017 saa 08:02

Nibanze ku bisobanuro biri muri zino nyandiko ziri hagati ya BRD na DOVE nkumuntu umenyereye ibyamabanki ndabona ntakibazo kirimo naho facture zo ntabisobanuro nzifitiye
Kanda hano umusubize

sangwa - 5/12/2017 saa 03:54

Izi nyandiko za bank iyambere ibeshyera BRD ko yandikiye Dove hotel yari inyandiko mpimbano nkuko na BRD yabivuguruje mu nyandiko yayo y'umwimerere gusa ibi bikaba byarakozwe na Nzahuratorero yunze ubumwe na bureau executif iriho ubu ariko ihawe amkuru apfuye na Bertin Beninka wizezwaga ko azava kuba mwarimu agahembwa kuba pasitoro kandi kuva icyo gihe niwe wari conptable wa Dove kugeza nuyu munsi.Ubu se abaye atari ubugambanyi bakoreye SIBOMANA na bagenzi be uwari gufungwa mbere y'abandi ni Bertin.Ariko kubera ari inzahure ntawe umuvuga mugihe hari amakuru yuko yirwanaho ashinja ibinyoma abantu kugira ngo batamuryoza ubujura yakoze ahemba abantu muntoki kuva kuri chantier 2012.Byose birazwi mutegereze muzabibona vuba.
Kanda hano umusubize

Mugabo - 3/12/2017 saa 05:23

Ibyo nta nakimwe bitwaye ahubwo Manager wa Dove afite ikibazo utamenya kuko mu bucuruzi hari icyo bita Company name na business name ushobora gusanga company name ari Hope Electronics naho business name ikaba Monaco Electronics kandi ibyo biremewe kandi Tin number iba arimwe yanditse kuri company name. Ntibizababuza kuyikorera declaration kuruhande rwa Dove no kwishyura umusoro waciwe kuruhande rwa Monaco. Aya nayita amatiku aturuka kuruwo Manager cg abandi bamukoresha babyihishe inyuma. Murakoze
Kanda hano umusubize

- 3/12/2017 saa 10:29

icyo usubije nukuri ingorane abantu bamwe bafite nuguharanira kwandagaza abandi ariko byose bizagaragara
Kanda hano umusubize

boringo - 3/12/2017 saa 13:03

Mubiigragara ADEPR ihorana ubusuma.Ubwo se urumva abayobozi basinya cheque aribo bakwiye kuyitanga batabirekeye comptable?Aha Ruzibiza yarafitemo akantu buriya ndamuzi. Naho wowe uravuga ibyo utazi neza.
Kanda hano umusubize

boringo - 3/12/2017 saa 16:10

Uyu wiyita Mugabo ndabona atazi icyo avuga kuko ntiyasomye neza ni gute Company icuruza yitwa MONACO ELECTRONICS LTD hagatangwa invoice iva muri new hope electronics ikanahabwa umukiliya utari we abayobizi nka Ruzibiza bakayakira kandi yirirwa abeshya ko yize ngo anacunga neza umutungo w'itorero.Ibi bigaragara ko we nuriya DAF Aurelie hari inyungu bwite bagizemo naho Dove yo muyireke muzayibona mu minsi iza kandi mushatse mwakurikirana umutungo wacu neza naho abayobozi bo ni indonke bashaka kandi ubitambitse wese bakamwirukana. Ibaze nawe.
Kanda hano umusubize

boringo - 3/12/2017 saa 16:12

Uyu wiyita Mugabo ndabona atazi icyo avuga kuko ntiyasomye neza ni gute Company icuruza yitwa MONACO ELECTRONICS LTD hagatangwa invoice iva muri new hope electronics ikanahabwa umukiliya utari we abayobizi nka Ruzibiza bakayakira kandi yirirwa abeshya ko yize ngo anacunga neza umutungo w'itorero.Ibi bigaragara ko we nuriya DAF Aurelie hari inyungu bwite bagizemo naho Dove yo muyireke muzayibona mu minsi iza kandi mushatse mwakurikirana umutungo wacu neza naho abayobozi bo ni indonke bashaka kandi ubitambitse wese bakamwirukana. Ibaze nawe.
Kanda hano umusubize

boringo - 3/12/2017 saa 16:16

Uyu wiyita Mugabo ndabona atazi icyo avuga kuko ntiyasomye neza ni gute Company icuruza yitwa MONACO ELECTRONICS LTD hagatangwa invoice iva muri new hope electronics ikanahabwa umukiliya utari we abayobizi nka Ruzibiza bakayakira kandi yirirwa abeshya ko yize ngo anacunga neza umutungo w'itorero.Ibi bigaragara ko we nuriya DAF Aurelie hari inyungu bwite bagizemo naho Dove yo muyireke muzayibona mu minsi iza kandi mushatse mwakurikirana umutungo wacu neza naho abayobozi bo ni indonke bashaka kandi ubitambitse wese bakamwirukana. Ibaze nawe.
Kanda hano umusubize

Kankindi - 3/12/2017 saa 04:46

icyonzi cyo nuko Manager wiyi hotel (Vincent) nawe ari igisambo mu bindi!!Nibatamuha bagashaka kubiheza hagati yabonk'aba ADPR y'akazu azabavamo!!Bariya banyakenya Charles na Thomas bo ni ibisambo ruharwa!!Rubanda rugufi rwatanze utwabo murambabaje!!Abo bantu ntimubazi
Kanda hano umusubize

Kamana - 3/12/2017 saa 04:33

Ubundi abayobozi ba Hotel bashyizweho nabahoze ari abayobozi ba ADPER bakagombye gusezererwa, kuko ntaburyo batasopaniriza ubuyobozi bushya buriho cyane ko Dove Hotel iri mubyateje intugunda. Donc, bakwiriye gusezererwa hakiri kare kandi bose.
Kanda hano umusubize

boringo - 3/12/2017 saa 16:14

Ubu koko iyi ni inama utanze koko cyangwa urabarwanya ahubwo.Ntugashukane nkytagira ubwenge
Kanda hano umusubize

Bernard - 3/12/2017 saa 04:17

Imana yabakuyeho amaboko
Kanda hano umusubize

- 3/12/2017 saa 10:33

oya lmana ntiyabareste naho byaba aribyo irabakunda
Kanda hano umusubize

- 3/12/2017 saa 10:33

oya lmana ntiyabareste naho byaba aribyo irabakunda
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X