Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Umunyamakuru Naty yariye karungu abyutsa dosiye ya Telefoni ze zibwe na Jay Polly

Muri Nyakaga uyu mwaka wa 2017,nibwo umunyamakuru Ntwari Anaclet uzwi nka Naty yatangaje ko umuraperi Tuyishime Josua uzwi nka Jay Polly avuga ko yamwibye Telephone ebyiri ndetse akaba yaratanze itangazo asaba buri wese uzi aho uyu muraperi atuye yaharangira inzego z’umutekano maze zikamuta muri yombi.

JPEG - 32.7 kb
Umunyamakuru Naty uvuga ko Jay Polly yamucucuye

Iryo tangazo ryagiraga riti""Turasaba ko umuntu wamenya aho uyu mugabo atuye (Umudugudu, Akagali, Umurenge n’Akarere) ndetse n’ahandi mwamubona ko mwatumenyesha cyangwa mukabwira inzego z’umutekano ziri hafi, ikirego twamaze kugishyikiriza Polisi y’aho yakoreye icyaha, ubufatanye bwanyu ni ingirakamaro kugira ngo atabwe muri yombi. Murakoze.”

Ngo intandaro y’ubu bujura buvugwa, ni igitaramo cyabereye i Nyanza mu mujyi, aho Jay Polly yari yaje kuririmba mu kirori cyateguwe n’umusore w’i Nyanza witwa Sano Maurice uzwi ku mazina ya DJ Momo.

Nyuma y’iri tangazo itangazamakuru ryabajije Jay Polly iby’ubu bujura aza gusobanura ko atabyita ubujura kuko ngo umunsi yakoreyeho igitaramo uwagombaga kubishyura yaburiwe irengero maze basigarana Naty nk’umwe mu bateguraga icyo gitaramo ari nabwo ngo berekeje kuri Polisi kugirango ikibazo gikemuke ari nabwo ngo hahise hazira ikibazo cy’izo telephone.

Mu gihe gito izo mvururu zaje gusa n’izihosha nyuma y’uko habaye ubwumvikane hagati y’abo bombi ndetse Jay Polly aza gusezeranya Naty ko nyuma y’iminsi igera kuri itanu ari bube yamuhaye ubwishyu buhwanye na za telephone zose arabyandika anabishyiraho umukono.

Iminsi yarashije indi irataha bitarajya mu bikorwa Jay Polly agasaba Naty kumwihanganira,bikagenda gutyo akamwongera indi minsi gutyo gutyo iminsi igashira indi igataha bihora mu mvugo ariko uyu muhanzi ntashyire mu bikorwa ibyo yemeye.

JPEG - 32.4 kb
Iyi ni inyandiko aba bombi bagiranye ubwo Jay Polly yatangaga igihe azishyuriraho

Mu gitondo cyo kuri uyu wa Kabiri Taliki 05 Ukuboza 2017,nibwo Naty yabwiye Imirasire .com ko yongeye kubura dosiye nyuma y’uko uyu muhanzi akomeje kumutekera imitwe none ubu akaba yafashe icyemezo cy’uko agiye kwiyambaza izindi mbaraga zirimo Polisi y’u Rwanda n’urukiko akarenganurwa.

Uyu munyamakuru avuga ko izi Telefoni zidahenze cyane ku buryo zari kumutandukanya n’uyu wari inshuti ye,ariko agasuzuguro n’ubutekamitwe akomeje kumugaragariza ngo aribyo bitumye afata iki cyemezo ndetse akaba nta nakimwe kizamukoma mu nkokora dore ko umwanya yamutesheje ngo ari munini.

Yagize ati"Jay Polly naramwihanganiye bishoboka pe ariko ngeze aho ndarambiwe.Yakomeje ampa iminsi azanyishyuriraho nkayihanganira,yashira akampa indi nayo nkayihanganira ariko ubu ndarambiwe.Uriya muhanzi yantekeye imitwe akagirango ndi umwana ariko ubu nibwo agiye kubona ingaruka z’ibyo yakoze.

Yakomeje agira ati"Ubu ngiye gutangira kwiyambaza izindi mbaraga zirimo Polisi n’inkiko kandi nzashyirwa ari uko aryojwe ibyo yakoze."

Twagerageje kuvugishya Jay Polly ntiyafata Telefoni,tumwoherereza n’ubutumwa bugufi ariko ntiyagira icyo asubiza kugeza ubwo twatangazaga iyi nkuru.

JPEG - 30.8 kb
Jay Polly aravugwaho ubujura

Si ubwa mbere Jay Polly avugwaho ubutekamitwe n’ubwambuzi,kuko mu minsi ishize higeze gutangazwa inkuru y’umusore wacuruzaga Me2U yambuye amafaranga y’ama inite kugeza ubwo yimutse ngo mu rwego rwo kumukwepa.

Kanda hano udukurikire kuri Facebook na Twitter

Ibitekerezo

- 8/12/2017 saa 16:44

wisebya jay mn
Kanda hano umusubize

ndumiwe - 7/12/2017 saa 06:52

babita imihirimbiri ngo babatutse ubu se 50k nizo kujyana muri media koko . abanyamakuru mube abumwuga kabisa uwo witwa Naty umuntu uhembwa yirirwa arya karungu hejuru ya 50k yanywera umunsi umwe agashira
Kanda hano umusubize

jean baptiste - 8/12/2017 saa 04:53

haaaa bashyiramo no gukabya pe haaaa
Kanda hano umusubize

Andy - 7/12/2017 saa 05:14

Hhh...uArko c uretse gukabya cg gushaka Hit,ubu 50k nizo zagushwanisha n'inshuti yawe?? cg wnda ntawamenya mufite n'ibindi mupfa udashaka kuvg! erega ntan'isoni ngo wagiye no kur police ngo uzjya no munkiko hhh ikibazo nk'icyo kirangirir mu bunzi Mr. kd ujye wiga kubana n'abandi no kwihangana
Kanda hano umusubize

Kumiro - 6/12/2017 saa 15:06

Ariko bino byerekana ko abantu bakennye mu Rwanda.Ibaze abastari babiri bapfa ibihumbi 50, amadolari atarenze 60? .Bazambwire mboherereze kuri Moneygram ariko bareke kudusebya rwose hanze.
Kanda hano umusubize

- 6/12/2017 saa 09:57

rekeraho gusembya Jay
Kanda hano umusubize

Lucky - 6/12/2017 saa 06:37

Jay polly yagabanyije ubuteka mitwe koko.biramwanduriza izina.amaherezo azabikorera umunyakibungo amuhekeshe inyonjo.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X