Home > Amakuru Yose > Amakuru mashya > Mu Rwanda > Akarere ka Rubavu kashyizwe mu kato ka guma mu Karere

Akarere ka Rubavu kashyizwe mu kato ka guma mu Karere

By Imirasire On:16 June
1905
photo

Minisiteri y’Ubutegetsi bw’Igihugu,yatangaje ko Akarere ka Rubavu kashyizwe muri Guma mu Karere kubera ubwandu bw’icyorezo cya COVID-19 bukomeje kwiyongera muri aka Karere,utundi turera tumwe na tumwe hashyirwaho ingamba zo gutaha saa moya.

Mu itangazo ryashyizwe hanze na Minisiteri y’Ubutegetsi bw’Igihugu(MINALOC) kuri uyu wa 16 Kamena 2021, rivuga ko impamvu nyamukuru yo gufata iki cyemezo ari uko muri aka karera hari kugaragara ubwandu bwiyongera kuburyo bukabije noneho inzego zibishinzwe zifatanyije n’abaturage zishobore gukurikirana neza no kugenzura iki cyorezo cya Covid-19.

MINALOC ivuga ko kuva kuwa Kane tariki ya 17 Kamena 2021 nta urujya n’uruza ruva n’urwinjira mu Karere ka Rubavu rutazaba rwemewe mu rwego rwo guhangana n’iki cyorezo cyongeye kugaragaza ubwiyongere mu Rwanda.

Uretse iki cyemezo cya Guma mu Karere, Minaloc yatangaje ko isaha yo gutaha ku batuye Akarere ka Rubavu yashyizwe saa Moya bitandukanye n’iyari isanzwe ya saa Tatu.

Uretse Akarere ka Rubavu, iyi gahunda yo gutaha saa Moya izubahirizwa no mu turere twa Rutsiro, Burera mu Mirenge ya Cyanika, Kagogo, Kinyababa, Butaro, Kivuye na Bungwe.

Mu Karere ka Nyagatare iki cyemezo kirareba imirenge ya Matimba, Musheri, Rwempasha, Tabagwe, Karama na Kiyombe, mu gihe mu Karere ka Gicumbi kireba imirenge ya Rubaya, Cyumba na Kaniga.

Minisitiri w’ubuzima Dr Daniel Ngamije aherutse kuvuga ko ubwiyongere bwagaragaye mu minsi 12 iheruka buteye inkeke ndetse ko bushobora kuba bugiye kubanziriza ikindi cyiciro cy’ubwandu bwinshi mu gihugu.

Minisitiri Ngamije avuga ko hirya no hino mu gihugu habayeho kudohoka cyane cyane ahantu hahurira abantu benshi.

Make A Comment

Izindi Nkuru Wasoma