Home > Amakuru Yose > Imikino > Hanze y’u Rwanda > Champions League: Liverpool yatomboye Real Madrid, PSG izahura na Bayern (...)

Champions League: Liverpool yatomboye Real Madrid, PSG izahura na Bayern Munich

By On:7 November
1275
photo

Imikino y’amakipe yahize ayandi i Burayi (UEFA Champions League) igeze aharyoshye, aho muri 1/8 cy’irangiza Liverpool yo mu Bwongereza yatomboye Real Madrid yo muri Espagne naho PSG yo mu Bufaransa itombora Bayern Munich yo mu Budage.

Ku gicamunsi cyo kuri uyu wa Mbere nibwo mu mujyi wa Nyon mu Busuwisi, habaye tombola. Amakipe yari gutombola ni ayari mu gakangara ka mbere karimo amakipe yabaye aya mbere mu matsinda ari yo; Bayen Munich, Benfica, Chelsea, Manchester City, Napoli, Real Madrid na Tottenham Hotspurs.

Mu gakangara ka kabiri hari harimo amakipe yabaye aya kabiri mu matsinda yayo ari yo; Club Brugge, Borussia Dortmund, Eintracht Frankfurt, Inter Milan, Leipzig, Liverpool na AC Milan na Paris Saint-Germain.

Ntibyatinze kugira ngo buri kipe imenye iyo bizahura muri iyi mikino ya ⅛ iteganyijwe gutangira muri Gashyantare 2023. Muri iyi tombola nkuko bisanzwe nta kipe yari yemerewe gutombola iyo bituruka mu gihugu kimwe.

Leipzig izahura na Manchester City, Club Brugge ikine na Benfica, Liverpool ihure na Real Madrid, Ac Milan ikine na Tottenham, Eintracht Frankfurt ikine na Napoli, Borussia Dortmund ihure na Chelsea, Bayern Munich ikine na Paris Saint-Germain naho ikipe ya Inter Milan izakina na FC Porto.

Aya makipe yose azakina imikino yayo tariki ya 14,15, 21 na 22 Gashyantare 2023, imikino yo kwishyura yo ibe kuva tariki ya 7, 8, 14 na 15 Werurwe 2023.

Make A Comment

Izindi Nkuru Wasoma