Home > Amakuru Yose > Imikino > Mu Rwanda > Isiganwa ku magare ryagaragaje ubwitabire bw’abantu benshi ku gace ka (...)

Isiganwa ku magare ryagaragaje ubwitabire bw’abantu benshi ku gace ka Kigali-Huye

By Imirasire On:4 May
315
photo

Hirya no hino mu Rwanda hagaragaye abantu benshi bakurikiye isiganwa ry’amagare ku munsi wa kabiri w’iryo rushanwa rikomeje kwerekana ko riri ku rwego rwo hejuru ugereranije n’amarushanwa yabanje

Umunya-Colombia Umba Lopez Abner Santiago w’imyaka 18, ukinira Androni Giocattoli yo mu Butaliyani, yambaye umwenda w’umuhondo wa Tour du Rwanda 2021 nyuma y’agace ka kabiri kegukanywe n’Umufaransa Alan Boileau ukinira B&B Hotels kuri uyu wa Mbere.

Aka gace ka kabiri kahagurukiye imbere y’inyubako ya MIC mu Mujyi wa Kigali, gasorezwa imbere y’ishami rya COGEBANQUE i Huye nyuma yo gukora ibilometero 120,5, aho Alan Boileau yakoresheje amasaha atatu, iminota irindwi n’amasegonda 14.

Umukinnyi wabaye uwa kabiri akanambara umwenda w’umuhondo ni Umunya-Colombia Umba Lopez Abner Santiago wa Androni Giocattoli wasizwe amasegonda atandatu, ariko na we arusha abiri igikundi cy’abakinnyi 22 barimo na Sanchez Brayan Vergara (Medellin) wari wambaye umwambaro w’umuhondo, aho yabaye uwa gatatu uyu munsi.

Umunyarwanda waje hafi ni Uhiriwe Byiza Renus (Team Rwanda) wakoresheje amasaha atatu, iminota irindwi n’amasegonda 22, aba uwa 20 mu gihe Mugisha Samuel wa 26, yasizwe amasegonda 36 na Alan Boileau.

Tour du Rwanda 2021 izakomeza ku wa Kabiri tariki ya 4 Gicurasi 2021 hakinwa agace ka gatatu kazahagurukira i Nyanza kerekeza i Gicumbi ku ntera y’ibilometero 171,6, aka ni ko karekare kari mu isiganwa ry’uyu mwaka.

Abakinnyi 10 ba mbere kuri etape Kigali- Huye

  1. Alan Boileau (B&B Hotels, Fra), 3h07’14”
  2. Umba Lopez Abner Santiago (Androni, Col), 3h07’14” + 06”
  3. Sanchez Vergara Brayan Stiven (Medellin, Col), 3h07’14”+ 08”
  4. Vahtara Norman (Israel Start-up Nation, Est), ibihe bimwe
  5. Marchand Gianni (Tarteletto-Isorex, Bel), ibihe bimwe
  6. Alex Hoehn (Wildlife Generation, USA), ibihe bimwe
  7. Restrepo Jhonatan Valencia (Androni, Col) , ibihe bimwe
  8. Salim Kipkemboi (Bike Aid, Kenya), ibihe bimwe
  9. Quentin Pacher (B&B Hotels, Fra), ibihe bimwe
  10. Valentin Ferron (Direct Energie, Fra), ibihe bimwe

Abakinnyi 10 ba mbere ku rutonde rusange nyuma y’uduce tubiri

  1. Umba Lopez Abner Santiago (Androni, Col), 5h41’03”
  2. Sanchez Vergara Brayan Stiven (Medellin, Col), 5h41’03” + 02”
  3. Alex Hoehn (Wildlife Generation, USA), ibihe bimwe
  4. Restrepo Jhonatan Valencia (Androni, Col) , ibihe bimwe
  5. Quentin Pacher (B&B Hotels, Fra), ibihe bimwe
  6. Salim Kipkemboi (Bike Aid, Kenya), ibihe bimwe
  7. James Piccoli (Israel Start-up Nation, CAN), ibihe bimwe
  8. Valentin Ferron (Direct Energie, Fra), ibihe bimwe
  9. Vahtara Norman (Israel Start-up Nation, Est), ibihe bimwe
  10. Uhiriwe Byiza Renus (Team Rwanda), ibihe bimwe

Make A Comment

Izindi Nkuru Wasoma