Home > Amakuru Yose > Imikino > Hanze y’u Rwanda > Manchester City izakina UEFA Champions League

Manchester City izakina UEFA Champions League

By MAHAME On:13 July 2020
420
photo

Ikipe ya Manchester City yatsinze urubanza rwo kujuririra ibihano yari yafatiwe byo kutazakina imikino ya UEFA mu myaka 2 iri imbere nkuko byatangajwe n’urukiko rukemura imanza za siporo ku isi CAS.

Kuwa Gatanu taliki ya 14 Gashyantare 2020 nibwo byamenyekanye ko Manchester City yahanishijwe imyaka 2 idakina amarushanwa ya UEFA no gutanga miliyoni 30 z’amayero kubera kwica amabwiriza yo kugura no kugurisha abakinnyi ibizwi nka Financial Fair play.

Manchester City yashinjwaga kugura abakinnyi benshi uko yishakiye ntigire abo igurisha ndetse no kubesha ibijyanye n’amafaranga ihabwa n’abaterankunga bayo no kwanga korohereza UEFA mu iperereza.

Manchester City ishinjwa gukora aya makosa hagati y’umwaka wa 2012 n’uwa 2016,ibifashijwemo n’abaherwe bayo bo mu mujyi wa Abu Dhabi.

Manchester City yahise ijuririra muri CAS,ariyo mpamvu uru rukiko rwavuze ko ibihano yahawe na UEFA biteshejwe agaciro ahubwo igomba kwishyura miliyoni 10 z’amapawundi gusa.

CAS yavuze ko ibihano byahawe Manchester bihonyora amwe mu mategeko ya CFCB (UEFA’S Club Financial Control Body).Manchester City yahise ishyira hanze itangazo ryo kwishimira ko yagarutse muri aya marushanwa yo ku mugabane w’i Burayi.

Uyu mwanzuro wa CAS utumye urugamba rwa Big 4 rukomera kuko ikipe nka Chelsea, Manchester Utd na Leicester zigikomeje kurwana uru rugamba ruzarangira ku munsi wa nyuma wa shampiyona.

Make A Comment

Izindi Nkuru Wasoma