Home > Amakuru Yose > Urukundo > Mbona atankunda!Umunyamakuru wihebeye umukobwa mwiza i Kigali (...)

Mbona atankunda!Umunyamakuru wihebeye umukobwa mwiza i Kigali arahangayitse

By Imirasire On:21 May 2020
7230
photo

Mu mibereho ya muntu hakubiyemo ibyiyumviro bitandukanye biganisha ku byishimo biva mu burenganzira ahabwa .

Bimwe mu byo umuntu adakomwaho mu nkokora bituruka mu byiyumviro bye,harimo ko yemerewe gukunda uwo ashatse ntawe agishije inama cyane cyane iyo binaganisha ku kubaka urugo umuntu niwe wihitiramo uwo bazarushingana.

Ni muri ubwo buryo tugiye kubagezaho inkuru y’umwe mu banyamakuru ba hano i Kigali wiyumvamo umukobwa ariko akabona we asa n’umurenza ingohe none akaba arimo gusa n’usanga umusiga.

Aragira ati" ndabasuhuje basomyi ba IMIRASIRE.RW,amazina yanjye ntabwo nyavuga ku bw’umutekano wanjye n’uwamugenzi wanjye.Mu busanzwe nkora akazi k’itangazamakuru ku binyamakuru byandikira kuri internet(Website) ariko njya nyuzamo nkanakora akazi ko gufata amashusho ya TV.

Mu buzima bw’urukundo ntabwo ndi umuhanga ariko iyo nakunze umukobwa aba ari uwo sinjya njarajara ngo mubangikanye n’abandi nk’uko muzi uko muri iyi minsi abasore benshi babigenza.

Nkiga mu mashuri yisumbuye mu mwaka wa 6, ahagana mu mpera za 2010 nakunze umukobwa ariko nkamutinya n’ubwo namurutaga ariko iby’urukundo namwe murabizi ntirureba ubukure kuko rurakuyobora.Muri uko kumukunda natinze kubimubwire ariko nkajya mwegera cyane ndetse nkakunda no kumusetsa mo gacye nkabona arishimye.

Icyo ntakwibagirwa kuvuga n’uko uyu mukobwa ari mwiza ku buryo buri musore wese yakwifuza ko bakundana dore ko iyo akurebye yakongeraho inseko n’ukuntu ashinguye ukabona ntawe basa.

Igihe rero cyaje kugera, aho nigaga ndahava arahasigara ariko kuko twasaga n’abaturanye nkajya njya kumureba iwabo tukaganira ariko hazamo iby’urukundo ukabana bitamufasheho kuko ntacyo byabaga bimubwiye , gusa sinabimurenganyirizaga naje gusanga ko yari akiri umwana nkajya nihangana.

Byaje gukomeza gutyo hanyuma nza kugira inshingano zituma tutabonana ndetse hanyuma nsubira kwiga nawe ubwo aza gusoza amasomo ajya mu bindi ndetse nawe akomeza amasomo ye.

Muri uko kuburana birumvikana ntabwo nabaye ngenyine nagize abakunzi babiri mu bihe bitandukanye gusa ariko nageragezaga kubiyumvamo ariko bikanga nkakomeza kwitekerereza wa mukobwa twiganye ku kigo kimwe kuko uretse n’ubwiza yagiraga ingeso nziza kandi ubona ari muhorakeye.

Kuko abo twakundanye ntabitagaho babonaga nkunda kuvuga izina ry’uyu mukobwa rigahora mu matwi yabo kuko byari byarananiye guhisha amarangamutima bikababaza umwe aza no kunsezera kugirango atazajya ahora amwumva bityo bikamubabaza.

Nyuma nigiriye inama yo kujya nshakira wa mukobwa (izina rye ntituritangaza) ku mbuga nkoranyambaga ngo nkurikirane amakuru ye yose ariko nkabonaho macye ashoboka udashobora gushingiraho umenya imimerere ye y’icyo gihe kuko atajyaga akunda kuzikoresha cyane.

Bidatinze rero ngarutse i Kigali kuko nigaga mu ntara ariko bitari kure y’umujyi wa Kigali, naje kugaruka nigira inama yo gushaka amakuru ye ngira amahirwe mbona nimero ya telefoni ye maze ntangira kumuhamagara.

Twaravuganye bishyira cyera ndetse nkuko amfitiye ubwuzu kuva ubwo buri mu goroba uko mvuye mu kazi nkamuvugisha nkarushaho kugira ibyishimo nawe akumva ko mwishimiye by’indani.

Nakomeje kumuvugisha mwibutsa ukuntu namukundaga tukiga nkananyuzamo nkamubwira ko n’ubu ntaho urukundo rwagiye nkirumufitiye.Naje kumubaza niba hari umukunzi afite ambwira ko nawe nanjye mubwira ko ntawe nanamusaba ko ankundiye twakomezanya ariko yirinda kugira icyo abivugaho arambwira ngo kuri ubu ikigezweho ni ukwigaragaza (Performence).

Twakomeje kuvugana uhereye mu ntangiro z’uyu mwaka kugeza ubwo duhanye gahunda yo kubona.

Umunsi twahanye warageze turahura turaganira ariko nkabona yabaye mwiza kurushaho kuburyo yandebaga yanaseka nkumva ngiye guhwera.Akimbwira ko atashye numvise agashiha ntiyagenda ariko we ntabibone kandi ukabona uko yamvugishaga mbere tukiga ariko nubu ameze utamenya icyo atekereza.

Akigera mu rugo twaravuganye mubwira uko namwishimiye kandi mukunda nawe ambwira ko byamunejeje ariko nyuma nkomeza kujya muvugisha nkumva ari kwakundi utamenya icyo yakunze n’icyo yanze kuburyo atakwerurira ahubwo akakubwira agira ati" Tuzareba anamwenyura:"

Gusa ku rundi rundi ruhande sinamurenganya kuko mu mibereho y’urukundo kwanjye simba nshaka ko arinjye uvunika njyenyine mba n’umva ko n’umukobwa yatera intambwe nibura akanyereka urukundo tukanganya 50/50 bitewe n’uko ntakunda guhatiriza ,icyakora mu muco wiwacu murabizi ko abagabo aribo bakoresha imbaraga z’umurengera ngo bigarurire imitima y’abakobwa cyane cyane nkuyu mukobwa mwiza wampogoje.

Nsoza, ntababeshye uyu mukobwa anyemereye numva nazarwubakana nawe, nubwo hari imishinga yanjye ndikuzahura yadindijwe n’uko nahagaritse akazi nkabanza kwiga bigatuma nsa n’usubiye inyuma mu bijyanye n’ubushobozi,ariko mbona icyerekezo ndimo mu minsi iri imbere cyaba cyampaye icyizere bityo nkaba nabona uwo nakunze.

Impamvu mvuze ibi n’uko iyo numva ibintu bindemereye mu mutima numva ntameze neza ariko iyo nsomye igitabo cg nkagira uwo nsangiza inkuru numva nsa n’ubohotse.

Murakoze.

N. F

  murenzi Paul
  21 May 2020

ihangane muvandi, abantu nkatwe bitonda dukunze guhura n’imbogamizi nkizo.

Make A Comment

Izindi Nkuru Wasoma