Home > Amakuru Yose > Amakuru mashya > OMS iravuga ko mu myaka ibiri iri imbere COVID-19 ishobora kuzaba (...)

OMS iravuga ko mu myaka ibiri iri imbere COVID-19 ishobora kuzaba yararangiye

By Imirasire On:22 August 2020
1245
photo

Umuyobozi w’Ishami ry’Umuryango w’Abibumbye ryita ku buzima (OMS) Dr. Tedros Adhanom Ghebreyesus, yatangaje ko hari icyizere cy’uko icyorezo cya Covid-19 kizaba cyarangiye mu myaka ibiri.

Ibi yabitangarije i Genève mu Busuwisi, kuri uyu wa gatanu tariki 21 Kanama 2020, aho yavuze ko hari n’ikindi cyorezo cyiswe (Spanish flu), cyigeze kwaduka mu mwaka wa 1918, bigatwara imyaka ibiri kugira ngo kirangire.

Yavuze ko ikoranabuhanga ari kimwe mu bizafasha kwihutisha guhangana no kurandura Covi-19. Dr. Tedros yagize ati: "Ikoranabuhanga rishobora gutuma icyorezo gikwira vuba mu bantu. Ariko icyiza, ni uko hari n’ikoranabuhanga rizadufasha kuyihagarika, kuko rizatuma tumenya byinshi twakwifashisha byadufasha, kandi bikamenyeshwa benshi ku buryo bwihuse."

Gusa yavuze ko ibi bitagerwaho hatabayeho ubufatanye mu bihugu ndetse no ku isi yose.

Icyorezo cya Spanish Flu, cyarangiye gihitanye abagera kuri miliyoni 50 ku isi. Kaminuza ya Johns Hopkins yo muri Leta zunze ubumwe za Amerika, itangaza ko mu basaga miliyoni 22 bamaze kwandura covid-19, abasaga ibihumbi 800 imaze kubahitana.

Make A Comment

Izindi Nkuru Wasoma