Home > Amakuru Yose > Amakuru mashya > Mu Rwanda > RUSIZI: RIB yafashe abantu 12 biyita “Abamen” bagacyucyura utwa (...)

RUSIZI: RIB yafashe abantu 12 biyita “Abamen” bagacyucyura utwa rubanda

By Imirasire On:9 May
5220
photo

RIB yatangaje ko k’ubufatanye n’izindi nzego yafashe abantu 12 biyita “Abamen” mu Murenge wa Nyakarenzo mu Karere ka Rusizi bakurikiranyweho icyaha cy’ubwambuzi bushukana bakoresheje telefoni ndetse no gushyiraho umutwe w’abagizi ba nabi cyangwa kuwujyamo.

Abafashwe bavuze bumwe muburyo bakoresha mu gushaka gucyucyura utwa rubanda.

Bumwe mu buryo bakoresha, bahitamo nimero za telefoni z’abantu bakoherezaho ubutumwa bugufi (SMS) bubamenyesha ko hari amafaranga ageze kuri konti yabo ya Mobile Money. Nyuma bagahamagara nyir’iyo nimero boherejeho amafaranga bamubeshya ko hari amafaranga yayobeye kuri telefoni ye bakamusaba kuyasubiza kandi bamwoherereje ubutumwa busanzwe buturutse kuri nimero ya telefone, nyamara ubusanzwe amafranga ya Mobile Money ntabwo aba ari ubutumwa busanzwe kuko aho kubonako ari nimero isanzwe yohereje ubutumwa ubona M-Money .

Iyo uwasabwe kuyasubiza adashishoje ngo arebe amafaranga niba koko yageze kuri konti ye agahita “ayasubiza”, aya mafaranga ahita ava kuri konti ye ya Mobile Money bakaba baramwibye.

Ubundi buryo bakoresha nuko iyo bumvise uwo bahamagaye arimo gushidikanya, bamwoherereza ubundi butumwa bugufi buvuga ko ikigo cy’itumanaho kigiye gufunga nimero ye bakamubeshya gukurikiza amabwiriza bamuha yo gushyiramo imibare muri telefoni ye kugirango batayifunga, yabikora bakaba baramwibye.

Ubu ni nabwo buryo bakoresha bashuka uwo boherereje ubutumwa gusubiza amafaranga niba adashaka ko bafunga konti ye ya Mobile Money.

RIB irongera kwibutsa abaturarwanda kugira amakenga igihe bahamagawe n’aba batekamutwe, kudakora ibyo babasaba kuko baba bagamije kwiba no gutanga amakuru kugihe kugirango bafatwe.

Make A Comment

Izindi Nkuru Wasoma