Home > Amakuru Yose > Amakuru mashya > Mu Rwanda > Urukiko rwategetse ko Miss Elsa Iradukunda arekurwa

Urukiko rwategetse ko Miss Elsa Iradukunda arekurwa

By Imirasire On:25 May
6330
photo

Urukiko rw’Ibanze rwa Kicukiro rwategetse ko Miss Iradukunda Elsa arekurwa agakurikiranwa adafunzwe. Akekwaho ibyaha birimo guhimba, guhindura inyandiko cyangwa gukoresha inyandiko mpimbano.

Umwanzuro ukimara gusomwa, uyu mukobwa yasazwe n’ibyishimo, ahoberana n’inshuti ze zamubaye hafi mu bihe bigoye.

Isomwa ry’urubanza ryabaye kuri uyu wa 25 Gicurasi 2022. Umutekano wari wakajijwe nk’ibisanzwe. Miss Iradukunda yari yitabiriye isomwa ry’urubanza rwe ryari ryanitabiriwe n’abanyamakuru benshi.

Yari yambaye ipantalo y’ikoboyi n’umupira w’umukara. Urukiko rwabanje gusoma ibyaha akekwaho, ruvuga uburyo impande zombi zireguye.

Rwavuze ko Ubushinjacyaha bwasabye ko Miss Iradukunda arekurwa agakurikiranwa ari hanze. Uyu mukobwa nawe nibyo yari yasabye mu iburanisha ribanza.

Urukiko rwahise rushimangira ko arekurwa, kandi uwo mwanzuro ugahita ushyirwa mu bikorwa.

Make A Comment

Izindi Nkuru Wasoma