Imirasire.rw

Igitaramo Israel Mbonyi yari gukorera i Rubavu cyasubitswe ku busabe bw'abafatanyabikorwa

Mahame — 2025-12-29T08:17:34Z

Amakuru aturuka mu itsinda ryari riri gutegura iki gitaramo avuga ko icyemezo cyo kugisubika cyafashwe nyuma y'ibiganiro byimbitse byabaye hagati y'abagiteguraga n'abafatanyabikorwa batandukanye, bagaragaje ko igitaramo kimwe cyonyine kidahagije ugereranyije n'icyerekezo cyari kigamijwe.

Umwe mu bateguraga iki gitaramo yatangaje ko abafatanyabikorwa bagaragaje kenshi ko bakifuza ko iki gikorwa cyahinduka umushinga wagutse w'ibitaramo bizenguruka igihugu.

Yagize ati: "Twari twatekereje gukora igitaramo i Rubavu ariko abafatanyabikorwa bacu badusabye kenshi ko twabihindura bikaba ibitaramo bizenguruka igihugu, kugeza ubu turifuza gukore mu Ntara eshanu z'igihugu. Rero biradusaba kurushaho kwitegura ari nayo mpamvu twimuye amatariki."

Mu itangazo ryashyizwe hanze n'abateguraga iki gitaramo, bamenyesheje abakunzi ba Israel Mbonyi bari bamaze kugura amatike ko bazahamagara bagahabwa amahitamo yo gusubizwa amafaranga yabo cyangwa kugumana amatike bakazayakoresha mu bitaramo bizategurwa mu minsi iri imbere.

Nubwo iki gitaramo cyasubitswe, abategura ibitaramo bya Israel Mbonyi bashimangiye ko intego ari ugutegura ibitaramo bifite ireme, bizagera ku bafana bo mu gihugu hose, aho kuba igitaramo kimwe cyonyine.

Israel Mbonyi yari ateganyije gukorera i Rubavu nyuma yo gukora amateka akomeye mu muziki wo kuramya no guhimbaza Imana, ubwo yakoreraga igitaramo gikomeye muri BK Arena ku wa 25 Ukuboza 2025, cyitabiriwe n'abantu benshi kandi kikagenda neza cyane.

Rutsiro: Abitabiriye Kivu Beach Expo and Festival batahanye ibyishimo by'ibirori bidasanzwe yaberetse

Mahame — 2025-12-10T06:03:20Z

Iki gikorwa cyateguwe na Sosiyete Yirunga Ltd ifatanyije n'Akarere ka Rutsiro, cyatangijwe ku mugaragaro kuri uyu wa Kabiri, tariki ya 09 Ukuboza 2025, kikaba cyagaragayemo umwihariko utari usanzwe ugera mu karere ka Rutsiro.

Ibi birori byo kugitangiza ku mugaragaro, byitabiriwe n'abayobozi bo mu nzego zitandukanye, bibera kuri Palega Beach Inn Hotel, iherereye ku nkengero z'Ikiyaga cya Kivu.

Abitabiriye barenga ibihumbi bitanu, barimo n'abaturage bavuye ku Kirwa cya Bugarura, aho kuhagera bisaba kunyura mu nzira y'amazi bakoresheje ubwato gusa.

Abaturage bagaragaje ibyishimo bikomeye cyane ko ari ku nshuro ya mbere umuhanzi Igisupusupu ataramiye mu Karere ka Rutsiro.

Indirimbo z'uyu muhanzi zatumye imbaga y'abantu bari aho basusuruka, barabyina, baririmba, bose bagaragaza ko Bari mu birori bya mbere by'amateka yabereye muri Boneza ku rwego rurenze ibisanzwe.

Abenshi mu bitabiriye bagaragaje ko bishimiye cyane umwihariko w'ibirori byabereye hafi y'amazi, aho ingendo zo mu mazi zagaragaye nk'udushya twatumye abenshi biyumva nk'abari mu bihugu byateye imbere mu bukerarugendo bwo ku nyanja.

Abaturage benshi bavuze ko ibi birori byabahaye ibyishimo batigeze bagira, cyane cyane kuko babashije kunywera no kurira muri hoteli ku nshuro ya mbere.

Bamwe mu baganiriye n'itangazamakuru bavuze ko byabatinyuye, bemeza ko bagiye kujya bisohokera muri hoteli kenshi.

Ibi birori byaranzwe n'umuziki, imbyino, imikino, kumurika ibikorwa bitandukanye by'ubukorikori n'ibikorerwa mu Rwanda, ndetse n'ibiribwa n'ibinyobwa byagabanyijwe ibiciro kugira ngo abaturage bose bishimire umunsi wabo.

Ikigeretse kuri ibyo ibiciro byagabanijwe byatanze ibyishimo byiyongereyeho, aho amahoteli menshi yatangaje yagabanyije ibiciro ku kigero cya 50%, ndetse n'ibiribwa bimwe bigurishwa ku giciro abantu bose bashobora kwigondera.

Yves Iyaremye, Umuyobozi wa Yirunga Ltd ageza ijambo ku bitabiriye Kivu Beach Expo and Festival

Yves Iyaremye, Umuyobozi wa Yirunga Ltd, yavuze ko yishimiye cyane uko abaturage bitabiriye, ashimira by'umwihariko ubuyobozi bw'igihugu n'ubw'akarere ku mutekano n'inkunga batanga mu bikorwa bigamije guteza imbere imyidagaduro n'ubukerarugendo.

Yagize ati: “Ibyishimo mboneye hano ntibisanzwe kubera dufite inzira zose zitworohereza, ngiye kujya ntegura ibirori byinshi muri Rutsiro bishimisha abaturage bizana n'inyungu zigera kuri bose.”

Yves Iyaremye, Umuyobozi wa Yirunga Ltd ageza ijambo ku bitabiriye Kivu Beach Expo and Festival

Umuyobozi w'Akarere ka Rutsiro, Kayitesi Dativa, yavuze ko ibi birori byatanze icyizere gishya ku baturage, abizeza ko ibimeze gutya bizajya bibera mu karere kabo kenshi, mu rwego rwo gukomeza kubaha ibyishimo no guteza imbere ubukerarugendo.

Yagize ati: “Ndashima kuba imbaraga twashize mu myiteguro y'igikorwa zatanze umusaruro,Ndashima Yirunga Ltd n'ikipe bakoranye ndashima Igisupusupu cyaduhaye ibyishimo,cyadutayemo ibyishimo natwe turagitamo. Ibi birori ni ubwa mbere tubibonye iwacu bimeze gutya tugiye guharanira ko biba kenshi dufatanyije tunashimira abafatanyabikorwa bacu batadutenguha.”

Kivu Beach Expo and Festival 2025 Edition Rutsiro ikomeje kubera mu Karere ka Rutsiro guhera tariki ya 9 kugeza tariki ya 15 Ukuboza 2025.

Biteganyijwe ko ibirori bishyushye bizanakomeza no kuri Hoteli nk Kinunu Wonders hazakira amarushanwa yo gutwara ubwato kuwa gatanu 12/12/2025, nibihava bijye kuri Rushel Kivu Resort hazabera VolleyBeach na Swimming competition no gusura inyambo zoga mu kiyaga ndetse na Brochete yaguraga 13.000 ikazaba igura 1500 ku wa 13/12/2025.

Ibi birori kandi bizakomeza mu mukino wa Triathlon uzabera ku Umutuzo Lodge, aho abazawitabira bazaba bazatangirira mu mazi bakoga, bagasiganwa ku magare, hanyuma bagasoza biruka n'amaguru, byose bikozwe mu irushanwa rimwe ridahagarara.

Hazakurikiraho Kaysun ahazabera Badminton no ku Kariba Beach hazabera Hiking ku wa 14/12/2025.

Si ibyo gusa kuko Kivu Beach Expo and Festival Edition Rutsiro hazaberamo ibirori byo ku mazi Boat Party itegerejwe n'abantu benshi izamara iminsi 3 kuva kuwa 12-14/12/2025.

Bafungura ku mugaragaro Kivu Beach Expo and Festival Edition Rutsiro

BARAHINDUKA,indirimbo ya Dr Scientific itanga ubutumwa ku bagabo bubatse

2020-01-09T15:24:52Z

Iyi ndirimbo ahanini yibanda ku kwigisha Abagabo gufataneza abagore bakuzuzishingano z'urugo no gukurikiza amahame agenga umuryango banirinda amakimbirane ya hato na hato.

Uyu mugabo ubusanzwe amazina ye nyakuri ni Sibomana Jean Bosco, gusa mu muziki azwi nka Dr Scientific. Ni umuhanzi nyarwanda ukunze kuririmba mu njyana zitandukanye agamije gutambutsa ubutumwa bwe.

Akunze gukora indirimbo zirimo ubutumwa bwigisha umuryango mugari urukundo,ubumwe n'ubwiyunge ,gushishikariza abanyarwanda kwitabira gahunda za leta n'ibindi bitandukanye.

ushaka gukurikira ibikorwa bye wamusanga ku rukuta rwe rwa facebook (Sibomana Jean Bosco) kuri instagram (Dr Scientific). Ndetse izi ndirimbo ze ziri kuri Album ye wazisanga kuri Channel ya you tube yitwa Direction music.

Dr Scientific ashyize iyi ndirimbo hanze nyuma y'uko mu minsi ishize aherutse gushyira hanze indirimbo yise Birashyusha mu rwego rwo kwifuriza abanyarwanda Noheli Nziza Ndetse n'umwaka mushya wa 2020

View online : article 0

Trump avuga ko abantu bagiye kubona ubukana bwa Amerika

2020-01-09T13:32:27Z

Ibi Perezida Trump yabitangaje kuri uyubwa gatatu ubwo yagezaga ijambo ku Banyamerika, asobanura ikigiye gukorwa nyuma y,'ibisasu byatewe na Iran ku birindiro bya Amerika biri muri Iraq.

Trump ati"Amerika yashoye asaga tiriyali 2 z'Amadorali ya Amerika mu kubaka igisirikare, gusa ntabwo tuzakoresha izi mbaraga kuko dushaka amahoro. Gusa ni biba ngombwa imbaraga zizifashishwa."

Akomeza agira ati "Abavuga ko Amerika ikurikiye peteroli mu Burasirazuba bwo hagati baribeshya kuko Amerika irayifite kandi ihagije"

perezida Donald Trump yasabye ibihugu nk'Ubudage, Ubwongereza, Ubufaransa, Ubushinwa,...guhuriza hamwe imbaraga bagaharanira icyazana amahoro mu karere k'Uburasirazuba bwo hagati

Iran yarashe ibi bisasu ku Banyamerika mu kwihimura no kwerekana ko biteguye guhorera urupfu rw'umujenerali wabo uheruka kuraswa na Amerika.

Ubwo umurambo wa Gen. Qasim Soleiman watemberezwaga muri Iran mbere yo gushyingurwa, abayobozi b'iki gihugu bavuze ko urupfu rwa jenerali wabo bafataga nk'intwari batarureka gutyo ko bagiye gushaka uburyo bwo kwihorera.

Igitero cya Amerika cyagabwe n'indege itagira umuderevu (Drone) kigahitana Suleimani ni urugero rukomeye rw'ubushyamirane hagati y'ibihugu byombi.

Trump yatangaje ko Leta Zunze Ubumwe za Amerika zihita zifatira ibindi bihano Irani mu rwego rw'ubukungu bizagumaho kugeza igihe Irani ihinduriye imyitwarire yayo.

Perezida Trump yari yatanze impuruza ko azagaba ibitero bya gisirikare kuri Irani niramuka yibasiye ibirindiro byayo cyangwa abaturage, ariko kuri iyi nshuro yanze kubigaba.

View online : article 0

UR iremeza ko igiye gutanga impamyabumenyi ku batinze kuzibona

2020-01-09T13:19:31Z

Ibi bije nyuma y'uko abarangije muri Kaminuza y'u Rwanda bavugaga ko batinze kubona impamyabumenyi zabo bikaba byanatumaga batabona akazi mu bigo bitandukanye cyane cyane ibya leta kuko batakwemerera gukora ibizamini nta mpamyabumenyi ufite.

Kaminuza y'u Rwanda mu butumwa yanyujije ku rukuta rwa Twitter, yavuze ko impamyabumenyi z'abasoje kwiga muri Kamunuza y'u Rwanda mu byiciro bitandukanye bazatangira kuzibona mu mpera z'uku kwezi.

UR kandi ikomeza ivuga ko mu gihe abasoje Kaminuza bategereje impamyabumenyi, batagomba kubura amahirwe yo gushaka akazi kuko iyi kaminuza yavuganye na Minisiteri y'abakozi (MIFOTRA) ko bakorohereza abarangije kaminuza bazana ibyemeza ko barangije kaminuza (To Whom).

Mu gukemura ikibazo cyo gutinda kw'impamyabumenyi ku basoje Kaminuza y'u Rwanda, ku bari kwiga muri uyu mwaka, ngo umunsi bazakoreraho ibirori byo gusoza amashuri (Graduation Ceremony) ni nabwo bazahabwa impamyabumenyi zabo. Ngo byakerezwaga n'uko zakorerwaga i Burayi.

Kaminuza y'u Rwanda yanavuze ko impamyabumenyi ziri gukorerwa mu Rwanda. Kuba ari ubwa mbere zitangiye gukorerwa mu Rwanda birasaba imbaraga nyinshi n'ubwitonzi kugira ngo hakorwe impamyabushobozi zizewe kandi zijyanye n'igihe.

Abasoje kaminuza umwaka ushize (abakoze ibirori byo gusoza kaminuza 08 Ugushyingo 2019) barasabwa kugera kuri UR bagahabwa ibibafasha guhatana ku isoko ry'umurimo mu gihe impamyabumenyi zitaraboneka.

Mu 2019 harangije abanyeshuri 9 382 mu byiciro bitandukanye; barimo abagore 2 488 n'abagabo 5 894 bose bategereje Impamyabumenyi zabo.

View online : article 0

Umusirikare wa FARDC yatorotse ajya mu nyeshyamba

2020-01-09T13:03:57Z

Yagize iti “FARDC iremeza itoroka rya Colonel Michel Rukunda, umuyobozi wungirije w'ingabo mu gace ka Walikale, wagiye mu nyeshyamba akagirwa umuyobozi w'umutwe witwaje intwaro uzwi nka “Ngumino”. Rukunda ubu arafatwa nk'umwanzi wa RDC.”

Uyu mutwe wa Ngumino ukorera mu bice bya Uvira na Fizi, mu Ntara ya Kivu y'Amajyepfo ndetse biravugwa ko ufitanye imikoranire yihariye na P5 ya Kayumba Nyamwasa.

Uyu mutwe wa Ngumino wagarutsweho cyane muri Raporo y'Impuguke z'umuryango w'abibumbye mu mpera za 2018 no mu buhamya bw'abari abarwanyi ba P5 iyoborwa na Kayumba Nyamwasa bafungiwe mu Rwanda,ko bafitanye umubano wihariye.

View online : article 0

Umunyafurika y'Epfo ni we wegukanye ikamba rya Miss Universe 2019

2019-12-09T09:47:09Z

Uyu mukobwa ukiri muto w'umwirabura wavukiye ahitwa Tsolo muri Afurika y'Epfo yegukanye ikamba rya Miss Universe 2019 ryatanzwe mu ijoro ryo kuri iki Cyumweru tariki 8 Ukuboza 2019 muri Leta Zunze Ubumwe za Amerika mu mujyi wa Atlanta ho muri Leta ya Georgia.

Umukobwa wari uhagarariye igihugu cya Puerto Rico, Madison Anderson yatorewe kuba igisonga cya mbere mu gihe uwari uhagarariye Mexico, Sofia Aragon we yabaye igisonga cya kabiri.

Uyu munyafurika y'Epfo yatowe asimbuye uwegukanye ikamba mu mwaka wa 2018 witwa Catriona Gray wo muri Philippines.

Uyu mukobwa wegukanye ikamba rya Miss Universe 2019 yari asanganywe ikamba rya Nyampinga wa Afurika y'Epfo muri uyu mwaka.

View online : article 0

Tshisekedi yiyambaje MONUSCO mu kurwanya ADF

2019-11-26T10:47:20Z

Muri aka kanama k'umutekano kari kayobowe na Perezida wa Repubulika Iharanira Demokarasi ya Congo Felix Tshisekedi, hafatiwemo icyemezo cyo guhuza ibikorwa bya gisirikare bya FARDC na MONUSCO, byo kurwanya inyeshyamba za ADF muri Beni.

Nk'uko byatangajwe na Radio Okapi n'ibiro bya perezidansi ya Congo, iyi nama yafatiwmo imyanzuro 2 y'ingenzi:

Gushyiraho ibiro bikuru biteye imbere by'igisirikare muri Beni, no gushyira mu bikorwa ibikorwa bihuriweho na FARDC na MONUSCO mu rwego rwo kugarura amahoro n'umutekano w'abasivili muri Beni.

Muri iyi nama MONUSCO yari ihagarariwemo n'Intumwa idasanzwe y'Umunyamabanga mukuru wa ONU muri Congo, Leila Zerrougui.

Iyi nama yitabiriwe n'abayobozi batandukanye barimo Minisitiri w'intebe wungirije akaba na minisitiri w'umutekano Gilbert Kankonde, minisitiri w'ingabo, Aimé Ngoy Mukena, Umuyobozi Mukuru w'Ikigo cy'Igihugu cy'Ubutasi, Umugaba Mukuru w'igisirikare cya Congo (FARDC), Umujyanama wa Perezida mu by'umutekano, ndetse n'abandi bayobozi b'imitwe y'ingabo na polisi.

Abaturage basaga 75 bamaze kwicirwa muri iki gice cya Congo mu gihe cy'iminsi igera mu icumi bishwe n'inyeshyamba za ADF. Ihungabana ry'umutekano rikaba ryaratumye abaturage benshi bava mu byabo.

Iki cyemezo kikaba cyafashwe nyuma y'umunsi umwe MONUSCO itangaje ko idashobora kwivanga mu bitero bya FARDC kuri ADF kuko itabitumiwemo. Aha MONUSCO ikaba yarasubizaga urubyiruko rwo muri Beni rumaze iminsi mu myigaragambyo ruyishinja kutagira icyo ikora mu kurwanya inyeshyamba.

View online : article 0

DR Congo: Abaturage i Beni bigaragambije ngo MONUSCO ive mu gihugu cyabo

2019-11-25T16:49:13Z

Babanje gutwika ibiro bya komine ya Beni muri iki gitondo bakomereza ku biro by'ingabo za MONUSCO biri ahitwa Boikene muri Beni naho barahatwika nk'uko umunyamakuru wa BBC muri aka gace abivuga.

Umunyamakuru wa BBC Byobe Malenga avuga ko aba baturage basaba ko izi ngabo za MONUSCO ziva mu gihugu cyabo mu gihe kitarenze amasaha 42 kuko

Hari amakuru avuga ko abantu babiri bamaze kugwa muri iyi myigaragambyo, nta mibare y'ubutegetsi iratangazwa ku biri kubera Beni.

Abantu bagera kuri 75 bamaze kwicwa kuva tariki 05 z'uku kwezi mu gace ka Beni nk'uko bitangazwa n'umuryango utegamiye kuri leta Groupe d'Etude du Congo (GEC) na Human Right Watch hamwe.

Iyi mibare irimo imibiri y'abantu batandatu babonywe ejo ku cyumweru mu mujyi wa Beni bivugwa ko nabo bishwe na ADF, bikekwa ko ari nabo babaye imbarutso y'iyi myigaragambyo.

Tariki 30/10 ingabo za leta ya DR Congo zatangije imirwano yo kurandura umutwe wa ADF muri aka gace ka Beni, izi nyeshyamba mu kwihimura ziraye mu baturage zirabica.

François Grignon intumwa yungirije y'umunyamabanga mukuru wa ONU ishinzwe ibikorwa byo kurengera abantu avuga ko 'ingabo za DR Congo zitigeze zishyira MONUSCO mu bikorwa byo kurwanya ADF".

Bwana Grignon avuga ko ingabo za MONUSCO zifasha gusa mu gutabara aho bikenewe ariko zidafatanyije n'iza leta mu bikorwa byo kurwanya ADF kuko zitabitumiwemo.

Abigaragambya i Beni barashinja MONUSCO na leta ubufatanyacyaha mu bwicanyi bari gukorerwa n'inyeshyamba za ADF nk'uko byumvikana mu majwi yahanahanywe ku mbuga nkoranyambaga.

Ingabo za MONUSCO zimaze imyaka 15 zikorera mu burasirazuba bwa DR Congo, agace kavugwamo imitwe y'inyeshyamba inyuranye irwanya ubutegetsi muri aka karere, agace kandi gacukurwamo amabuye y'agaciro.

View online : article 0

Kizza Besigye yahakanye amakuru yavuzwe na Uganda ko yahuriye na Perezida Kagame muri Amerika

2019-11-18T14:14:37Z

Ku wa 28 Nzeri ikinyamakuru cya Guverinoma ya Uganda The New Vision, cyatangaje inkuru yari ifite umutwe ugira uti “Besigye na Kagame bahuriye muri USA.”

Kizza Besigye umaze imyaka myinshi anenga politiki ya Museveni,yavuze ko aya makuru yatangajwe na The New Vision ari ibinyoma byambaye ubusa ndetse ngo ibi biganiro ntibizigera bibaho.

Yagize ati “Ntabwo nigeze mpura na Perezida Kagame, ndetse nta na gahunda yo guhura nawe. Ubwo mperuka mu Rwanda ni igihe Gen Fred Rwigema yari agiye gushyingurwa mu cyubahiro mu 1995.”

Kizza Besigye yavuze ko ibi binyoma byanditswe na The New Vision byari bigamije kuyobya uburari no gushaka kwirengagiza ibyo Uganda ishinjwa byo gutera inkunga imitwe ishaka guhungabanya umutekano w'u Rwanda.

Besigye yemeje ko hari intambara hagati ya Uganda n'u Rwanda anemeza ko Museveni kuva kera yabonaga ishyaka rya FPR nk'inzira yamufasha kwagura ubutegetsi.

View online : article 0