Home > Amakuru Yose > Amakuru mashya > Mu Rwanda > Kigali: Kunoza urujya n’uruza rw’abakoresha imihanda imodoka zitwara imizigo (...)

Kigali: Kunoza urujya n’uruza rw’abakoresha imihanda imodoka zitwara imizigo zahagaritswe

By Imirasire On:12 July
3390
photo

Murwego rwo korohereza abagenzi bakoresha imidoka zitwara abantu mu masaha y’umugoroba, byatumye imodoka zitwara imizigo zihagarikwa hamwe nahamwe ku mihanda, zirekurwa nyuma ya saa kumi n’ebyiri (18h00)

Mu minsi ishize mu mujyi wa Kigali hagiye hagaragara ikibazo cy’ubucucike mu mihanda y’umujyi wa Kigali bigatuma haboneka umubare munini w’abantu batinda kugerera mungo zabo ku gihe cyateganyijwe n’Inama y’abaministiri iheruka. Aho bashyizeho isaha yo gufunga imirimo ya saa kumi n’imwe (17h00) naho isaha yo kuba umuntu yageze murugo ari saa kumi n’ebyiri (18h00).

Mu kiganiro IMIRASIRE.COM yagiranye na bamwe mu basheferi bari batwaye imodoka zitwara imizigo badutangarije ko n’ubwo byabatunguye ariko babyishimiye kuko ngo nabo byabagoraga kugenda babyigana n’imodoka z’abantu bigenga (private Car) ndetse n’izitwaye abagenzi muburyo bwarusange (Public transport).

Nzeyimana Patrick umushoferi w’ikamyo yagize ati: "Twishimiye igikorwa Police y’u Rwanda yakoze kuko natwe byatugoraga kugenda tubyigana n’imodoka zisanzwe. Gusa byadutunguye ariko biradufasha kuza gukora urugendo rwacu neza mu muhanda".

Mu ubutumwa bugufi, umuvugizi wa Police y’u Rwanda Afande CP John Bosco KABERA, yatangarije IMIRASIRE ko byakozwe mu rwego rwo kunoza urujya n’uruza rw’abakoresha umuhanda bose.

Mugihe dukomeje guhangana n’icyorezo cya COVID-19, ubuyobozi burakangurira abaturage bose kubahiriza ingamba zo kwirinda icyi cyorezo kuko cyugarije isi muri rusange waba: Umwana, umusore/Inkumi, igikwerere ndetse n’abasheshe akanguhe. Bityo "Ntabe arinjye udohoka, TUZATSINDA"

Make A Comment

Izindi Nkuru Wasoma